{PUṞAM 168}
((Originally extracted from master file ^PURAM.OCP))
((Last updated on 2004 April 14th))
{PU 168-1} aruvi ārkkum kaḻai payil naṉam talai
{PU 168-2} kaṟi vaḷar aṭukkattu malarnta kāntaḷ
{PU 168-3} koḻum kiḻaṅku miḷira kiṇṭi kiḷaiyoṭu
{PU 168-4} kaṭuṅkaṇ kēḻal uḻuta pūḻi
{PU 168-5} naṉṉāḷ varu patam nōkki kuṟavar
{PU 168-6} uḻāatu vittiya parūu kural ciṟu tiṉai
{PU 168-7} muntu viḷai yāṇar nāḷ putitu uṇmār
{PU 168-8} maraiyāṉ kaṟanta nurai koḷ tīm pāl
{PU 168-9} māṉ taṭi puḻukkiya pulavu nāṟu kuḻici
{PU 168-10} vāṉ kēḻ irum puṭai kaḻāatu ēṟṟi
{PU 168-11} cānta viṟakiṉ uvitta puṉkam
{PU 168-12} kūtaḷam kaviṉiya kuḷavi muṉṟil
{PU 168-13} ceḻum kōḷ vāḻai akal ilai pakukkum
{PU 168-14} ūrā kutirai kiḻava kūr vēl
{PU 168-15} naṟai nār toṭutta vēṅkai am kaṇṇi
{PU 168-16} vaṭi navil ampiṉ villōr peruma
{PU 168-17} kai vaḷ īkai kaṭu māṉ koṟṟa
{PU 168-18} vaiyaka varaippil tamiḻakam kēṭpa
{PU 168-19} poyyā ce nā neḷiya ētti
{PU 168-20} pāṭupa eṉpa paricilar nāḷ um
{PU 168-21} īyā maṉṉar nāṇa
{PU 168-22} vīyātu paranta niṉ vacai il vāṉ pukaḻ ē